Drenas, shembet një pjesë e rrugës, automjetet kalojnë me vështirësi (Video) |
- Drenas, shembet një pjesë e rrugës, automjetet kalojnë me vështirësi (Video)
- Arlind Ajeti mbrojtësi i Kombëtares “mbjell” flokët, ja si duket tani
- Liburni – Feniks: Ja si përfundoj ndeshja derbi e futsallit kosovar
- Vjen lajmi i shumë pritur për rrugën Feronikeli-Kroni i Mbretit
- Magjistralja Skenderaj-Komoran, sot nisën punimet, por kjo pjesë e shoqerisë është kundër
- Kadri Veseli propozon këtë emër për rrugën Klinë e Epërme-Komoran
- Ramadani: E çova në drekë Thaçin e Veselin, u thashë nuk bën të nënshkruani në Rambuje
- Haradinaj: Anton Çuni ka hy vonë në luftë, ka luajt “filma kauboj”
- Lajm i mirë, 61 të rinj nga Kosova do të punësohen në Gjermani
- Murat Meha takohet me Bill Clintonin
Drenas, shembet një pjesë e rrugës, automjetet kalojnë me vështirësi (Video) Posted: 20 Apr 2018 02:21 PM PDT Shembja e rrugës në një gjatësi rreth 10 metra po u shkakton vështirësi në qarkullim makinave në fshatin Arllat të Drenasit. Sipas një lexuesi të Koha.net rruga është shembur 15-20 centimetra, dhe me vështirësi të mëdha është e kalueshme. Ai ka shtuar se në këtë gjendje rruga është për më tepër se dy muaj. Kjo pjesë e rrugës është që lidh Arllatin me komunën e Malishevës. Lexuesi i Koha.net gjithashtu ka dërguar pamje se si është gjendja aktuale e rrugës, dhe shihen automjetet në pritje për të kaluar rrugën.
The post Drenas, shembet një pjesë e rrugës, automjetet kalojnë me vështirësi (Video) appeared first on DRENICA PRESS. |
Arlind Ajeti mbrojtësi i Kombëtares “mbjell” flokët, ja si duket tani Posted: 20 Apr 2018 01:57 PM PDT E keni menduar si dukej Arlind Ajeti nëse do kishte flokë? Mbrojtësi shqiptar i cili ndodhet në grumbullin e Kombëtares në Antalia të Turqisë, ka publikuar një foto në Instagram, ku na prezanton me pamjen e tij të re. Të gjithë jemi mësuar ta shohim lojtarin e Krotones pa flokë, por nga ajo që shohim në foto, ai ka zgjedhur flokë të veçanta për veten. The post Arlind Ajeti mbrojtësi i Kombëtares "mbjell" flokët, ja si duket tani appeared first on DRENICA PRESS. |
Liburni – Feniks: Ja si përfundoj ndeshja derbi e futsallit kosovar Posted: 20 Apr 2018 01:49 PM PDT Super derbi i futsallit kosovar ka përfunduar në 'paqe', shkruan futbollikosovar.com. Liburni e Feniksi kanë luajtur barazë në palestren 'Shani Nushi', të Gjakovës në pranin e një numri të madh të spektatorve. Kështu skuadra nga Drenasi, Feniks ka 'prishur' serin e gjitha ndeshjeve të fituara këtë kampionat. Me këtë barazim skuadra e Feniksit tashmë siguron poziten e parë në PLAY-OFF, ku e pret një garë e fort me skuadrat si Liburni, Besa e Prishtina. The post Liburni – Feniks: Ja si përfundoj ndeshja derbi e futsallit kosovar appeared first on DRENICA PRESS. |
Vjen lajmi i shumë pritur për rrugën Feronikeli-Kroni i Mbretit Posted: 20 Apr 2018 01:44 PM PDT Sot edhe zyrtarisht filluan punimet për ndërtimin dhe zgjerimin e rrugës rajonale Skenderaj-Drenas-Komoran, përkatësisht segmenti Komoran- Marinë ne gjatësi prej 17 kilometrash. Ne këtë ngjarje të rëndësishme morën pjesë, kryeparlamentari i Kuvendit të Republikës së Kosovës, Kadri Veseli, ministri i Ministrisë së Infrastrukturës, Pal Lekaj, kryetari i Komunës së Drenasit, Ramiz Lladrovci, kryetari i Komunës së Skenderajt, Bekim Jashari, deputet dhe shumë qytetarë. Ministri i Infrastrukturës, Pal Lekaj, tha se Drenicën po e lidhim me korridore të rëndësishme infrastrukturore. "Sot filluam punimet në Segmentin R102 Komoran – Marinë, 17 kilometra e gjatë e cila duhet të përfundojë para dimrit të vitit 2019. Drenica ka dhënë shumë për Kosovën dhe kjo që filluam sot është diçka nga ajo që do të bëjmë në mandatin tonë katër vjeçar. Se shpejti do të fillojë edhe rruga nga Feronikeli deri të Kroi i Mbretit, 5 kilometra e gjatë që do të lidhë fshatrat me korridorin N 9, Prishtinë – Pejë", ka thënë ministri Lekaj. Ai ka shtuar se do të vazhdojmë edhe me investime të tjera për Drenicën që janë ne interes të qytetarëve tanë. "Drenica ashtu si krejt Kosova deri në vitin 2023 do të jetë e kompletuar në infrastrukturë, moderne dhe me të gjitha elementet e sigurisë dhe sinjalistikës. /Drenica Press/ The post Vjen lajmi i shumë pritur për rrugën Feronikeli-Kroni i Mbretit appeared first on DRENICA PRESS. |
Magjistralja Skenderaj-Komoran, sot nisën punimet, por kjo pjesë e shoqerisë është kundër Posted: 20 Apr 2018 01:26 PM PDT Vazhdimi i punimeve në rrugën Skenderaj-Komoran është pritur me shumë entuziazëm, si nga elita politike ashtu edhe nga qytetarë të rëndom. Në fillimin e punimeve sot morën pjesë: Kryeparlamentari i Kuvendit të Republikës së Kosovës, Kadri Veseli, ministri i Ministrisë së Infrastrukturës, Pal Lekaj, kryetari i Komunës së Drenasit, Ramiz Lladrovci, kryetari i Komunës së Skenderajt, Bekim Jashari, deputet dhe shumë qytetarë. Ndonëse të gëzuar nga ndërtimi i kësaj rruge, mërgimtarët tanë duket se kanë shfaqur disa ankesa për kohën e fillimit të punimeve, pasi kjo mund të ju paraqet vështirësi në pushimet e tyre në vendlindje, transmeton Drenica Press Në shumë komente të ndryshme në rrjetet sociale, duke ju referuara përvojave të tyre në të kaluara, ata kanë shfaqur ankesat për punimet në rrugë gjatë sezonit veror, në kohën kur Kosova është e mbingarkuar me vetura të mërgimtarëve, të cilët vijnë në vendlindje t'i kalojnë pushimet e tyre. /Drenica Press/ The post Magjistralja Skenderaj-Komoran, sot nisën punimet, por kjo pjesë e shoqerisë është kundër appeared first on DRENICA PRESS. |
Kadri Veseli propozon këtë emër për rrugën Klinë e Epërme-Komoran Posted: 20 Apr 2018 12:58 PM PDT Rruga modern që po pritet të finalizohet nga Klina e Epërme e Skenderajt deri në Komoran të Drenasit, pritet të marrë emrin e heroit të njohur të Kosovës, Shaban Polluzha, transmeton Drenica Press. Ideja që kjo rrugë të marrë këtë emër është përmendur sot nga kryetari i Kuvendit të Kosovës, Kadri Veseli. Për një shekull rresht në këtë rrugë kanë ecur heronjtë që bënë historinë e Kosovës. Sot filluam punimet e kësaj rruge për të nderuar kujtimin e tyre. Njëkohësisht, për të dëshmuar forcën tonë për të ecur përpara, forcën tonë për ta zhvilluar Drenicën, për ta zhvilluar Kosovën, për ta fuqizuar shtetin dhe garantuar të ardhmen e sigurt për fëmijët e Kosovës. Kjo rrugë moderne që po ndërtojmë, nga Klina e Epërme e deri në Komoran, meriton të marrë emrin e heroit kombëtar Shaban Polluzha, i cili shtroi për ne rrugën e lirisë, shkruan Veseli. /Drenica Press/ The post Kadri Veseli propozon këtë emër për rrugën Klinë e Epërme-Komoran appeared first on DRENICA PRESS. |
Ramadani: E çova në drekë Thaçin e Veselin, u thashë nuk bën të nënshkruani në Rambuje Posted: 20 Apr 2018 12:40 PM PDT Medituesi dhe studiuesi i fizikës kuantike e mjekësisë alternative, Hetem Ramadani, ka treguar për herë të parë një histori që kishte ndodhur në Rambuje, në kohën kur po behshin negociata të forta mes palës kosovare dhe saj serbe gjatë vitit 1999. Ai në një intervistë në T7 përballë Berat Buzhalës ka thënë se ishte ai që i ka ndaluar bisedimet në Rambuje. Ramadani ka treguar si është takuar me Thaçin Veselin e Halitin. " Unë e kam ndaluar Rambujenë. Këta kanë qenë do djem të ri dhe nuk i kanë ditë gjërat mirë. Unë kam qenë në kontakt gjatë gjithë kohës me Xhavit Halitin. I kam të gjitha dokumentet se si është ndërruar oferta nga drejtuesit e dialogut, ndërkombëtarët". Ai ka treguar se si është takuar me Hashim Thacin e Kadri Veselin. " Unë shkova në Rambuje, i takova Thaçin, Veselin e të gjithë të tjerët. I çova në dreke dhe ju tregova se kjo punë nuk bën të nënshkruhet. Unë në bashkëpunim me Adem Demacin e kemi sjell Thaçin në Rambuje, dhe aty ia kemi dhënë besën njeri tjetrit që kjo marrëveshje mos të nënshkruhet. Ramadani thotë se kishte informata të sakta se çka do të ndodhte në Rambuje. "Kisha informata se çka do të ndodhte nëse do të nënshkruhej marrëveshja e ofruar në Rambuje. E kisha një njeri që e kisha shëruar dhe kisha informata se çka do të ndodh. Tani më vonë u nënshkruaj marrëveshja që e din të gjithë nga Hashim Thaçi". The post Ramadani: E çova në drekë Thaçin e Veselin, u thashë nuk bën të nënshkruani në Rambuje appeared first on DRENICA PRESS. |
Haradinaj: Anton Çuni ka hy vonë në luftë, ka luajt “filma kauboj” Posted: 20 Apr 2018 12:30 PM PDT Nasim Haradinaj nënkryetar i OVL-të UÇK-së thotë se Anton Quni ka shkuar vonë në betejën e Koshares. Sipas tij, pavarësisht kohës kur ka ardhur për luftë e respekton. "Antoni ka ardhë vonë , Antoni ka luajt filma kauboj atje, bile edhe pseudonimin e ka pasë "llakilluk". Kështu që vonë u hi Antoni në luftë. Ai ka hy në luftë me 9 prill, me shoqëri i mirë ka qenë, korrekt", tha Haradinaj. Këto komente i bëri në emisionin "Fakt Plus" në Tribuna Channel, ku tha se me këto ndarje nuk përfiton askush. "Nëse fillojmë me nda na këtu FARK, LPK, LKÇK, LDK duhet me e nda edhe në bazë fetare katolik, mysliman, protestant që është diçka që shkon në dëmin e të gjithë neve dhe nuk fiton askush", shtoi Haradinaj. The post Haradinaj: Anton Çuni ka hy vonë në luftë, ka luajt "filma kauboj" appeared first on DRENICA PRESS. |
Lajm i mirë, 61 të rinj nga Kosova do të punësohen në Gjermani Posted: 20 Apr 2018 12:26 PM PDT Zëvendësministri i Punës dhe Mirëqenies Sociale, Çerkin Dukolli, mori pjesën në përmbylljen e projektit të APPK-së dhe Diakonie, projekt ky që në vazhdimësi mbështetet nga MPMS. Projekti i cili sot ka kurorëzuar me sukses programin trajnues për të rinjtë, është implementuar nga Agjencia e Përkrahjes së Punësimit në Kosovë dhe Institucioni Social gjerman 'Diakonie'. Nga trajnimi nëntëmujor sot kanë përfituar 61 të rinj, të cilët në shtator do të fillojnë aftësimin e mëtutjeshëm profesional dhe punësimin në Gjermani. Në emër të MPMS-së, zëvendësministri Dukolli, ka përshëndetur punën e Institucionit Social ‘Diakonie’ nga Baden Wurthenberg dhe APPK-në për angazhimin e tyre dhe përkrahjen e punësimit në Kosovë. "Falë këtij projekti dhe bashkëpunimi korrekt kemi përfunduar edhe me përgatitjet e gjeneratës së katërt prej 61 personash të cilët në muajin shtator do të startojnë me programin "Migrimi legal i qytetarëve të Kosovës në kuadër të Arsimit dhe Aftësimit Profesional në Gjermani" për një periudhe tre vjeçare", tha ai. Në kuadër të këtij bashkëpunimi zëvendësministri Dukolli ka shtuar se Ministria e Punës dhe Mirëqenies Sociale, përmes Agjencisë së Punësimit dhe në bashkëpunim me APPK-në, do të bashkëpunojë edhe në të ardhmen në projekte tjera, të cilat do të nxisin punësimin e të rinjve, qoftë në planin e brendshëm, qoftë në atë të jashtëm me partnerët tanë ndërkombëtarë. Nga ky program deri më tani kanë përfituar edhe tri gjenerata të mëparshme prej 134 të rinjsh nga sektori I infermierisë, të cilët tanimë veç janë sistemuar me punë në Gjermani. The post Lajm i mirë, 61 të rinj nga Kosova do të punësohen në Gjermani appeared first on DRENICA PRESS. |
Murat Meha takohet me Bill Clintonin Posted: 20 Apr 2018 12:17 PM PDT Kryeshefi Ekzekutiv i Agjencisë Kadastrale të Kosovës u befasua për të mirë në Norvegji. Ai ka takuar atje ish-presidentin amerikan Bill Clinton, i cili po kryen një turne në Europë për të folur lidhur me të ardhmen e Bashkimit Europian dhe Brexit. Nga pamjet e publikuar, shihet se Meha ka shtrënguar duart me Clinton. Clinton, i cili udhëhoqi SHBA’të në dy mandate si president nga viti 1993 deri më 2001, dhe që urdhëroi bombardimin e forcave të Serbisë të udhëhequra nga diktatori Sllobodan Milloshqviçi, shihet të kenë ndërruar disa fjalë me Mehën. Murat Meha, udhëhoqi Komisionin qeveritar për përcaktimin e vijës kufitare në mes Kosovës dhe Malit të Zi. Puna e tij u kritikua ashpër nga opozita. The post Murat Meha takohet me Bill Clintonin appeared first on DRENICA PRESS. |
You are subscribed to email updates from DRENICA PRESS. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: