Ora News: “Tropoja dhe Gjirokastra zgjohen nga lëkundjet e tërmetit” plus 9 more |
- Tropoja dhe Gjirokastra zgjohen nga lëkundjet e tërmetit
- Sasha Obama me bikini në Majemi
- Atentati në Vlorë, 32-vjeçari pjesë e një bande hajdutësh në Itali
- Trump: Merkel gabim katastrofik me pranimin e emigrantëve
- Zjarr në nënstacionin e Kasharit, digjen të gjitha fidrat
- Kirgistan, avioni rrëzohet mbi banesa, 32 të vdekur
- Sot nis seanca parlamentare, PD do qëndrojë vetëm disa minuta
- Arrestohet një nga 100 personat më të rrezikshëm të Italisë
- Lë pas skandalet, Lindsay Lohan bëhet myslimane
- Katërmbëdhjetë njerëzit që shkruajnë saktë gjuhën shqipe
Tropoja dhe Gjirokastra zgjohen nga lëkundjet e tërmetit Posted: 15 Jan 2017 11:39 PM PST Qyteti i Tropojës është zgjuar mëngjesin e sotëm nga lëkundje tërmeti me magnitudë 3.6 ballë i shkallës rihter. Tërmeti regjistruar në orën 03:16 minuta të mëngjesit 70 km nga Podgorica dhe 16 km nga Kosova. Po ashtu lëkundje janë regjistruar edhe në 14 km nga qyteti i Gjirokastrëss. Nga informacionet paraprake nuk raportohet për të lënduar apo dëme materiale.
Të parët për lajmin e fundit. Ndiqni Oranews.tv në Facebook dhe në Twitter |
Sasha Obama me bikini në Majemi Posted: 15 Jan 2017 11:36 PM PST Tani që ish -presidenti Barack Obama la Shtëpinë e Bardhë , vajzat e tij i duhet t’i kthehen një jete normale. Sasha Obama, vajza më e vogël e presidentit Obama tashmë ëahtë kthyer një adoleshente normale. Nuk mund ta humbasi më kohën e ikur. 15 -vjeçarja e veshur me bikini, ndodhet në plazhet e bukura të Majemit duke u argëtuar me miqtë e saj . E gatshmë për t'ju kthyer jetës normale si adoleshente.
Të parët për lajmin e fundit. Ndiqni Oranews.tv në Facebook dhe në Twitter |
Atentati në Vlorë, 32-vjeçari pjesë e një bande hajdutësh në Itali Posted: 15 Jan 2017 11:19 PM PST Viktima i atentatit në Vlorë, Refit Toro nuk është një emër i panjohur. Ai është një person me precedentë kriminalë dhe me rekorde të theksuara kriminale. Në një kontroll të bërë në mediat italiane, 32-vjeçari Refit Toro, emri i parë i të cilit ka qenë Jetnor Toro dhe më pas është ndryshuar për shkak të përfshirjes në afera të shumta, rezulton se ka bërë kërdinë në qytetet italiane përmes vjedhjeve nga viti 2006 në vitin 2007. Ai dhe miku i tij, Aleksandër Leskaj kanë marrë dënimin maksimal nga gjykata e Jesit më 31 janar 2014, duke u dënuar me 4 vite e 6 muaj burg si dhe me gjobë prej 800 eurosh. Toro, në bashkëpunim me shqiptarë të tjerë dhe persona nga Ballkani, kishin formuar një bandë kriminale. Në momentin e arrestimit atyre iu janë kapur në makinë një sasi prej 15 mijë euro sendesh të vjedhura nga banesat në atë zonë. Mediat italiane shkruajnë se Toro dhe anëtarët e tjerë të bandës hynin në mënyrë të organizuar në ndërtesa dhe vidhnin gjithçka që mundeshin, përfshirë bizhuteri me vlerë, lap topë, celularë, para e çfarë të ishte e mundur. Jo zyrtarisht mësohet se viktima ishte i përfshirë edhe në trafik lëndësh narkotike. Ndërsa aktualisht policia nuk ka mundur të bjerë në gjurmë të autorëve. Një ndër pistat ku po heton policia është e shkuara kriminale e viktimës. Lexo më shumë: Atentat në Vlorë, ekzekutohet me armë zjarri brenda në makinë 32-vjeçari Të parët për lajmin e fundit. Ndiqni Oranews.tv në Facebook dhe në Twitter |
Trump: Merkel gabim katastrofik me pranimin e emigrantëve Posted: 15 Jan 2017 11:02 PM PST Presidenti i zgjedhur i SHBA, Donald Trump ka deklaruar se kancelarja gjermane, Angela Merkel ka bërë një gabim shumë katastrofik, duke pranuar më shumë se 1 milion emigrant. Ai tha se Merkel deri tani ishte lideri më i rëndësishëm në Europë dhe se BE ishte bërë një mjet për Gjermaninë, shkruan BBC. Deklaratat e Trump u bënë gjatë një interviste për gazetat britanike dhe gjermane duke folur për politikën e tij të jashtme. Trump tha se kishte për të adresuar defiçitin tregtar me pjesën tjetër të botës, veçanërisht me Kinën. Presidenti i zgjedhur i Shteteve të Bashkuara, Donald Trump, tha se mund t'iu japë fund disa sanksioneve ekonomike kundër Rusisë, në këmbim te një marrëveshjeje me presidentin rus, Vladimir Putin, për të reduktuar armët bërthamore. Ai tha se do që arsenalet bërthamore të SHBA-së dhe Rusisë të "reduktohen ndjeshëm". Duke u ndalur te Lindja e Mesme, Trump dënoi pushtimin e Irakut më 2003 dhe tha se ai mund të ketë qenë gabimi më i keq në historinë e SHBA-së. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Zjarr në nënstacionin e Kasharit, digjen të gjitha fidrat Posted: 15 Jan 2017 10:52 PM PST Një zjarr ka rënë në nënstacionin e Kasharit duke djegur të gjitha fidrat 20 kilovolt. Sipas OSHEE si pasojë e djegies së fidrave pa energji elektrike janë një pjesë e Kamzës, Kashari dhe autostradës në të dyja kahet, Yzberishti deri në Vorë, Mëzes dhe Unaza e Re. "Rreth ores 02.35 ka rene zjarr në N/Stacionin e Kasharit, duke djegur të gjithë fidrat 20 kilovolt.Zjarri është shuar me ndihmën e zjarrfikësve, dhe aktualisht po punohet për riparimin e dëmit, i cili vlerësohet i përmasave serioze, pasi do të duhen disa orë për kthimin në punë të 20 fidrave të djegur dhe vënien në punë të Nstacionit Kashar",sqaron OSHEE. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Kirgistan, avioni rrëzohet mbi banesa, 32 të vdekur Posted: 15 Jan 2017 10:29 PM PST Të paktën 32 persona kanë humbur jetën pasi një avion mallrash nga Hong Kongu u rrëzua në Kirgistan sipër disa banesave. BBC shkruan se avioni boing 747 u rrëzua në afërsi të aeroportit Manas, rreth 25 kilometër në veri të kryeqytetit Bishkek. Të paktën 15 ndërtesa janë shkatërruar dhe mes viktimave raportohet se ka edhe shumë fëmijë. Fluturimi TK 6491 ishte duke bërë një ndalesë në Manas, rrugës për në Stamboll, kur edhe u rrëzua. Raportimet thonë se avioni ishte turk dhe fluturonte nën emrin "My Cargo", por qeveria e Kirgistanit tha se fluturimi ishte nën emrin e Turkish Airlines. Shkaku i këtij aksidenti ende nuk bëhet i ditur, por për shkak të pranisë së mjegllës së dendur shikueshmëria ishte shmë e pakët.
Të parët për lajmin e fundit. Ndiqni Oranews.tv në Facebook dhe në Twitter |
Sot nis seanca parlamentare, PD do qëndrojë vetëm disa minuta Posted: 15 Jan 2017 10:16 PM PST Ashtu siç e parashikon kushtetuta e hëna e tretë e janarit shënon rinisjen e kuvendit. Seance plenare është parashikuar sot në orën 17:00, nga ku do të rinisë debati parlamentar për këtë sesion të ri. Deputetët demokratë, në seancën e parë të kuvendit për këtë vit do të qëndrojnë vetëm disa minurta, sa kryetari i grupit Edi Paloka të zyrtarizojë qëndrimin. Program i punës deri në shpërndarjen e kuvendit për shkak të zgjedhjeve parlamentare të 18 qershorit pritet të jetë i ngjeshur, për shkak të reformës zgjedhore por dhe hartimit të rreth 40 ligjeve për plotësimin e kuadrit të reformës në drejtësi. Po ashtu, deputetët deri në shpërndrjane e kuvendit do të marrin një vendim të rëndësishëm atë për zgjedhjen e presidentit të ri pas mbarimit të mandatit të Bujar Nishanit. I gjith ky proces pritet të kalojë jo pa debate dhe tensione mes mazhorancës dhe opozitës. Ajo çka do të ketë interes për këtë sesion është qëndrimi i Partisë Demokratike pasi ka paralajmëruar bojkot nëqoftëse nuk i plotësohet kushti për votim dhe numërim elektronik. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Arrestohet një nga 100 personat më të rrezikshëm të Italisë Posted: 15 Jan 2017 01:45 PM PST Është arrestuar sot në Siçili Andrea Nizza 30 vjeç, një nga 100 personat më të rrezikshëm në Itali dhe i konsideruar bosi i familjes mafioze Santapaola- Ercolan. Andrea Nizza kërkohej nga policia italiane që prej vitit 2014 i akuzuar dhe si organizator i një trafiku të madh ndërkombëtar droge përmes Shqipërisë dhe Greqisë. Andrea Nizza u arrestua në komunën Viagrande në provincën e Katanias, në një shtëpi të marr me qera nga dy miq të tij. Arrestimi u mundësua falë bashkëpunimit të vëllait të tij me autoritetet policore italiane. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Lë pas skandalet, Lindsay Lohan bëhet myslimane Posted: 15 Jan 2017 01:32 PM PST Lindsay Lohan e ka bërë të gjithë botën të mendojë se ajo është bërë myslimane, pasi ka fshirë të gjithë postimet e saj në Instagram dhe ka shkruar në biografi: "Alaikum salam", që do thotë "paqe te ty". Pasi lexoi Kuranin në vitin 2015, dhe ngriti një kompani produksioni në Dubai vitin e kaluar, burime të aktores thanë për Këshillin e Myslimanëve se Lohan është në një periudhë "rilindjeje", pas skandaleve në të kaluarën. Spekulimet për zgjedhjen e saj të jetesës janë përhapur kudo, dhe shumë besimtarë myslimanë thonë se janë "krenarë" për të dhe i dërgojnë "paqe e bekime". /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Katërmbëdhjetë njerëzit që shkruajnë saktë gjuhën shqipe Posted: 15 Jan 2017 01:29 PM PST Në vitin 1924, legata amerikane në Tiranë kishte një listë të 14 njerëzve që mund ta shkruanin saktë gjuhën shqipe. Nevoja e kësaj liste kishte lindur ngaqë një numër termash të përdorura në kushtetutën e përkohshme të hartuar me nxitim në Kongresin e Lushnjes (1920), mund të interpretoheshin me dy kuptime. Amerikanët donin të dinin se me cilët mund të këshilloheshin për çështjet e gjuhës. Lista ishte përgatitur nga përkthyesi i Legatës, Kol Kuqali. Sipas Kuqalit, sado të zgjerohej kjo listë, ajo nuk i kalonte të 40 vetët. 1. Faik Konica, Kryetar i "Vatrës", editor i "Diellit", Boston. /Postim në Facebook/ Të parët për lajmin e fundit. Ndiqni Oranews.tv në Facebook dhe në Twitter |
You are subscribed to email updates from Ora News. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: