IMPRESION
Zomb – libër që të ndjell ta duash
“Zomb” i Ag Apollonit është një libër i ngjyer në substancën e artit të përbotshëm. Brenda diskursit të vetë dramatik ky libër është i sendërtuar mbi tempujt më të sofistikuar të krijimeve të përbotshme duke përfituar nga to shkëlqimin e përjetshëm dhe duke u dhuruar atyre njëkohësisht kristalin origjinal në shekujt e ardhshëm. Libra të tillë tejkalojnë autorin
Avni ALIJA
Dehja kthjellon shpirtin. Dhembja deh dhe mbjellë farën e fluturimit shpirtëror. “Zomb” rrezaton një substancë të nëpërdukshme me ngjyrime religjioziteti. Jo në kuptimin klasik Në kuptimin e asaj që "ndërlidhë". Religio. Libër që të ndjellë ta duash. Libri “Zomb” i autorit Ag Apolloni është në gjendje të ngjizë te Perceptuesi i dytë idenë e kristalizimit të mes-hapësirës Zot-Njeri. Kjo mes-hapësirë është dashuria Njeri-Njeri. Libri me poezi “Zomb” tashmë është në dorën e lexuesit. Ag Apolloni ka pasë fuqi që dashnoren e përjetshme të shpirtit ta tejçoj në dorën time. Në dorën e tjetrit. Ta pjesëtojë me të tjerët. Kush mund ta dijë, ndoshta Perceptuesi i dytë mund ta dojë atë edhe më shumë se Perceptuesi i parë. Ndonëse, pa dyshim, perceptuesi i dytë nuk e njeh atë sikurse i pari. Por, ky fakt, ky prangim, nuk mund t'ia kushtëzojë atij ta dojë këtë Libër, këtë dashnore të përjetshme, sa edhe vetë autori: në trajtën e vet origjinale, mbase më shumë. Apo ndoshta jo. Gjithsesi, në fund të fundit, në mënyren e vet më origjinale. Nëse nuk e do më shumë, e do më ndryshe. Kjo ia shton ndriçimin “Zomb”-it. Një libër i mirë duhet të na godasë si me sopatë, thotë Franz Kafka. ZOMB – është një libër-labirinth.
Njeqind poezi per dashuri
Numri njëqind dhe mistika e numrave tek Franz C. Endres dhe Annemarie Schimmel. Unë i kthehem edhe njëherë poezisë me numrin 72. Në librat mbi studimin e mistikës dhe domethënieve të numrave ky është numri nga me komplekset. Nuk e gjej atë që kerkoja. Iu ktheva “Zomb”-it në poezinë numër 5. Numër 7. Numër 3. “Zomb” të shtyn, madje të detyron, të nxjerrësh nga radhorët e kujtesës dhe nga rafti i bibliotekës krijimet e autorëve të mëdhenj: Goethe, Lorka, Borges, Gottfried Benn, Alfred Lichtenstein, Däubler; Rodin, Pikaso, El Greco, Richter, Dali etj. Goethe shkruante:"Dashuria është ngjarje sikurse edhe vetë jeta, një ndodhi sikurse vetë frymëmarrja...". “Zomb”- nj Poezi në njëqind njësi. Njëqindëshi është Njëshi i ngjizur në vete me veten dhe prapë në vetvete. Poeti është medium origjinal. I papërsëritshëm në të gjitha momentet e manifestimit të tij tokësor.
“Zomb” i Ag Apollonit është një libër i ngjyer në substancën e artit të përbotshëm. Brenda diskursit të vetë dramatik ky libër është i sendërtuar mbi tempujt më të sofistikuar të krijimeve të përbotshme duke përfituar nga to shkëlqimin e përjetshëm dhe duke u dhuruar atyre njëkohësisht kristalin origjinal në shekujt e ardhshëm. Libra të tillë tejkalojnë autorin. Qenia njerëzore është një shenjë kryqëzimi në kozmos. Poeti është kryqi vet. Sigularitet i vetvetes. Ligj. Pikë. Rrafsh i mbyllur brenda një rrethi. Kozmosin e nëpërkalojnë shigjeta të panumërta nëpër pafundësi. Kur shigjetat, qofshin ato ide, qofshin engjëj, qofshin demonë, qofshin frymëzime, godasin Poetin-Kryq, ngjizen libra. Të përziera së bashku, pra ide, engjëj, demonë, frymëzime, krijime poetësh që pluskojnë në kujtesën e llojit, ato shigjeta me goditjen e vet shpërthejnë e shndërrohen në libra. I tillë është libri “Zomb” i Ag Apollonit.
(Autori është shkrimtar, përkthyes dhe piktor në Gjermani. Ky tekst është botuar ne gazeten “Express”, më 5 janar 2010)
libri zomb,analiza,referat,zomb analiza,permbledhje,kritika
loading...
Lexo edhe: