Akademik Rexhep QOSJA: “Libri Zomb tregon se poezia e Ag Apollonit ndryshon rrënjësisht prej poezisë së poetëve të tjerë shqiptarë – të traditës dhe të bashkëkohësisë. Megjithëse ata kanë jetuar në periudha të ndryshme historike, poezia e të gjithëve është shumë e ngjashme. Poezia e Ag Apollonit, ndërkaq, e hapë një shkollë të re të poezisë sonë: të re me fakturë dhe të re me gjuhën poetike”
Dr. Bardh RUGOVA: “Tri janë karakteristikat e lojës gjuhësore të Apollonit në librin Zomb: e para ka të bëjë me konventën (konvencionalizmin), lojën dhe jokonvencionalizmin; e dyta është zgjerimi i horizontit me artet e tjera, si: muzika, piktura, teatri, filmi etj.; e treta karakteristikë është motivimi i shenjës. Aftësia për ta motivuar konventën bën që autori të mos i lërë vend rastësisë. Ai planifikon, mëton dhe në fund realizon. Këto karakteristika e bëjnë poezinë e Apollonit një krijim origjinal të artit në Kosovë”
Mr. Agron Y. GASHI: “Për Apollonin poezia është një religjion në vete, prandaj ai e bën poezinë duke përmbysur një rend “vlerash” që u trumbetohet tërë kohën. Poezia e tij është një çerdhe ku gëlojnë të gjitha figurat stilistike. Intertekstualiteti dhe intermedialiteti në Zomb kanë gjetur prehje më mirë se kudo në poezinë shqipe. Zomb ështe sistem poetik ideal, më tipiku në letërsinë shqipe të këtij fillimshekulli”
MA. Blerina ROGOVA: “Zomb është libër unik, është diçka tjetër, “i llahtarshëm” do të thoshte Lasgushi, dhe di të të llahtarojë tmerrësisht. Është i dhimbshëm si vdekja dhe i mbyllur si arkivolet e saj, për ata që do të kërkonin në të një angazhim”
MA. Adil OLLURI: “Poezisë shqipe ka kohë që i mungon një vepër e sistemuar në formatin e librit poetik, prandaj libri Zomb i Ag Apollonit e plotëson në mënyrën më të mirë dhe më të duhur këtë mungesë. Ky libër poetik i Apollonit ka një natyrë postmoderne, duke qenë kështu një vepër unike në letërsinë tonë sa i përket modeleve letrare”
Bardh FRANGU, shkrimtar: "Mbështetur në gjuhën e pasur poetike, në format e begata të vargnimit dhe thellësinë meditative, në qasjen eklektike, Zomb meriton një respekt të veçantë, sepse ndër të tjera edhe thyen klishe, trajta dhe forma poetike të banalizuara dhe na vjen në një formë tepër të veçantë në këtë kohë mungese vlerash të njëmendta. Zomb është një libër i hapur që na shpie deri tek Shkolla e Aleksandrisë dhe na kthen në përplasjet postmoderne"
MA. Manjola BRAHAJ, studiuese nga Tirana: "Strukturimi i mirëmenduar të kujton strukturimin e “Komedisë Hyjnore” të Dante Aligierit, vetëm se te Zomb nuk kemi në fund një parajsë të arritur, por një shkatërrim çka vjen si rezultat i mungesës së dashurisë. Të kujton një komedi hyjnore, për kujdesin dhe zgjedhjen e numrit të poezive të përfshira në të(100), në pjesët ndarëse duke patur parasysh gjithmonë simbolikën e numrave, veçse tani kemi të bëjme me një simbolikë që është e lidhur me religjonin lindor (Budizmi).
Pra, me anë të këtij vëllimi poetik është synuar dhe është arritur përsosmëria"
MA. Flamur MALOKU: "Ag Apolloni në librin poetik Zomb (2009), rikontekstualizon arkishenjat mitike/biblike, në Gjenezën e Re, në Farën e Re të shkrimit. Ky relacion intertekstual njëherësh shtreson tema e mitema, çdoherë në nivel figure. Aty ku përqafohet diskursi biblik/mitik, shenjat në përhershmërinë tekstore universalizohen. Duke u rimarrë Zanafilla Biblike, mitizohet e dëshmohet Zanafilla e dashurisë personale. Aty ku zë fill krijimi i botës/kozmosit nga Zoti, tash në shkrimin e Ag Apollonit krijohet dashuria personale bashkë me botën/kozmosin"
Avni ALIJA, shkrimtar: "Zomb i Ag Apollonit është një libër i ngjyer në substancën e artit të përbotshëm. Brenda diskursit të vetë dramatik ky libër është i sendërtuar mbi tempujt më të sofistikuar të krijimeve të përbotshme duke përfituar nga to shkëlqimin e përjetshëm dhe duke u dhuruar atyre njëkohësisht kristalin origjinal në shekujt e ardhshëm. Libra të tillë tejkalojnë autorin"
LIBRI ZOMB ANALIZA,referat,kuptimi,zomb ag apolloni,analiza,analize,letrare
loading...
Lexo edhe: